Lıvııada sý tasqynynan 3 myń adam qaza taýyp, 10 myńy habar-osharsyz ketti
ASTANA. QazAqparat - Lıvııanyń soltústik-shyǵysynda alapat sý tasqyny saldarynan kem degende 3 myń adam qaza taýyp, 10 myńnan astamy iz-túzsiz joǵaldy. Apatqa «Danıel» daýyly ákelgen nóser jańbyr sebep boldy. Bul jaıynda QazAqparat Euronews-ke silteme jasap habarlaıdy.
Sý tasqyny eskirgen ınfraqurylymdy, sonyń ishinde qorǵanys qurylymdaryn qıratty. Eń kóp zardap shekken eldi mekenderdiń biri - Derna qalasy.
«Dernanyń ońtústiginde eki bóget qulady. Saldarynan ondaǵy sý qalaǵa aǵyldy. Úsh kópir tolyǵymen opyryldy. Qala aýdandary sýǵa toldy, al oramdary turǵyndarymen birge teńizge shaıyldy», - dedi Lıvııa armııasynyń resmı ókili Ahmed ál-Mosmarı.
Іzdestirý jumystary kezinde tabıǵı apat qurbandarynyń sany artady degen qaýip bar.
Sý tasqyny eldiń onsyz da aýyr jaǵdaıyn kúrdelendire tústi.
Lıvııada 2011 jyly Kaddafı rejımi qulatylǵannan keıin bılikke eki úkimet talasyp jatyr: biri – shyǵysta, ekinshisi – batysta.
Al jergilikti halyq kedeıshilikte kún keship jatyr.
