Lıvııada saılaý 2012 jyly sáýirde ótedi
ASTANA. 25 tamyz. QazAqparat - Lıvııanyń jańa basqarýshy organdaryna saılaý naýqany aldaǵy segiz aıda ótedi. Bul jóninde Ótpeli ulttyq keńes basshysy Mustafa Ábdel Jalıl málimdedi,
dep habarlaıdy EKSPERT.ru.
«Aldaǵy segiz aıdyń ishinde parlament jáne prezıdent saılaýy ótedi. Biz demokratııalyq úkimet pen ádil Konstıtýtsııany qalaımyz. Biz búginge deıin álem ómirinen shetetilip kelgen el bolyp qala bergimiz kelmeıdi», - degen Jalıldiń sózin álem aqparattyq agenttikteri mysalǵa keltirdi.
Jalıldiń aıtýy boıynsha, birqatar keńes músheleri Mýammar Kaddafı men onyń jaqtastaryn sottaýdy Lıvııada ótkizý usynysyn qoldap otyr. «Sol sebepti de biz ony tirideı alǵymyz keledi. Biz oǵan óz qarsylastaryna jasaǵanyn jasamaımyz. Ol tek óziniń qylmystarynyń, sottalǵandyǵynyń jáne saıası qanypezerliginiń arqasynda el esinde qalatyn bolady», - dedi kóterilisshiler kóshbasshysy.
