Lıvııada Mysyr elshiliginiń qyzmetkeri urlandy
ASTANA. 25 qańtar. QazAqparat - Lıvııadaǵy Trıpolı qalasynda Mysyr elshiliginiń qyzmetkerin urlap ketti, dep habarlaıdy Lenta.rý Reuters agenttigine silteme jasap.
Mysyrlyq elshini 24 qańtar kúni úıinen muzdaı qarýlanǵan bir top adamdar alyp ketken, deıdi Lıvııa syrtqy ister mınıstrliginiń ókilderi. Lıvııanyń syrtqy saıası vedomstvosy urlanǵan mysyrlyqty bosatý úshin barlyq kúshterin salyp jatyr. Sondaı-aq endi Mysyr elshiliginiń kúzeti kúsheıtilmek. Mysyr eliniń syrtqy ister mınıstrligi ázirge oqıǵanyń mán-jaıyn ashyp baıandamaı otyr. Al Lıvııadaǵy Mysyr dıplomatııalyq mıssııasynyń ókilderi urlanǵan qyzmetkerdiń dıplomat mártebesiniń joqtyǵyn, tek dıplomatııalyq tólqujatqa ıe ekenin aıtady. Bul qylmysqa qatysty jaýapkershilikti Lıvııadaǵy radıkaldy toptardyń eshqaısysy moınyna almaı otyr, ázirge ony bosatý boıynsha eshqandaı talap-tilekter de qoıylyp otyrǵan joq. Lıvııadaǵy kúsh qurylymdarynyń ókilderi elshilik qyzmetkeriniń urlanýyn Mysyrda yqpaldy Shaaban Hadeıdiń qarýly tobynyń ustalýymen baılanystyrady. Úkimet pen jaýyngerlerdiń jáne jergilikti jasaqtardyń arasynda úzdiksiz qaqtyǵystar oryn alyp jatqan Lıvııada adam urlaý faktisi jıi oryn alady. Máselen, 2013 jyly qazan aıynda eldiń premer-mınıstri Álı Zeıdan qaraqshylar qolyna osylaı tap bolsa, qarasha aıynda barlaý qyzmetiniń bastyǵynyń orynbasary osyndaı qylmystyń qurbany bolǵan. Al 2014 jyldyń qańtar aıynda jaýyngerler birneshe kún boıy jumysynan úıine qaıtyp bara jatqan ońtústikkoreılik sheneýnikti tutqynda ustaǵan.
