Lıvııada kishi-Kaddafıdiń isi boıynsha sot otyrysy bastaldy
ASTANA. 18 qańtar. QazAqparat - Bılikten qýylǵan jáne óltirilgen Lıvııa kóshbasshysy Mýamar Kaddafıdiń ekinshi uly beısenbi kúni alǵash ret Lıvııa sotynyń aldynda jaýap berdi, dep habarlady Agence France-Presse.
Birinshi tyńdaý polkovnıktiń uly 2011 jyldyń qarasha aıynan bastap túrmede otyrǵan - Zıntan qalasynda jabyq esik jaǵdaıynda ótti. 39 jastaǵy Seıf al-Islam «memlekettik qaýipsizdikti buzdy» dep aıyptalýda.
Jýrnalıster otyrysqa jiberilmedi. Beınege túsirýge tek memlekettik Al-Watania telekompanııasynyń qyzmetkerlerine ǵana ruqsat etildi.
Buǵan deıin habarlanǵandaı, Halyqaralyq qylmystyq sot Seıf al-Islamǵa adamgershilikke qarsy qylmystar úshin kiná taǵýda. Uıym kishi-Kaddafıdi sottaý úshin Gaagaǵa aýystyrýǵa tyrysyp-baǵýda, sebebi, Lıvııa soty obektıvti bolmaýy múmkin.
Seıf al-Islam kináli dep tanylsa, ol ólim jazasyna kesilý múmkin.
