Lıvııada bolǵan qazaqstandyqtardyń basym bóligi elge oraldy - QR SІM
ASTANA. 28 aqpan. QazAqparat /Arman Asqarov/ - Qazirgi kezde Lıvııada Qazaqstannyń 4 azamaty bar. Bul týraly búgin elordadaǵy baspasóz máslıhatynda QR Syrtqy ister mınıstrliginiń resmı ókili Asqar Ábdrahmanov málim etti.
Aıta keteıik, buǵan deıingi baspasóz máslıhatynda A.Ábdirahmanov Lıvııada 21 azamattyń bar ekendigi jaıynda málim etken bolatyn. Onyń sózine qaraǵanda, 27 aqpanǵa deıin Qazaqstannyń dıplomatııalyq mıssııasynyń aralasýymen Trıpolıden 10 qazaqstandyq azamat elge qaıtaryldy. «Qazirgi kezde Lıvııada Qazaqstannyń 4 azamaty bar. Olardyń ekeýi - dıpmıssııanyń qyzmetkerleri bolsa, bireýi - «Erıel» kompanııasynda jumys isteıtin azamat. Baılanysqa shyqpaı jatqan taǵy bir áıel lıvııalyq azamattyń jubaıy bolyp tirkelgen. Qazirgi kezde Lıvııada Qazaqstannyń basqa da azamattarynyń bar-joǵy anyqtalýda», - deıdi A.Ábdirahmanov.
