Lıvııada 23 qazan memlekettik meıram jáne demalys kúni bolyp jarııalandy
ASTANA. 24 qazan. QazAqparat - Lıvııada Kóshpeli ulttyq keńes jarııalaǵan eldiń Mýamar Kaddafı rejıminen tolyǵymen azat etilýi toılandy. 23 qazan endi memlekettik meıram jáne demalys kúni bolady, dep habarlady Bnews.kz.
Jeksenbi keshke Trıpolıde myńdaǵan adam mıtıngke jınaldy. Qalada áli kúnge deıin sýdyń joqtyǵyna, azyq-túlik qorynyń shekteýli ekenine qaramastan, saltanatty shara joǵary deńgeıde, tipti otshashýmen ótti. Jańa bılik Lıvııada sharıǵat qaǵıdalaryn zańdy turǵyda bekitýge, sondaı-aq burynǵy bılik moınyna alǵan barlyq halyqaralyq mindettemelerdi oryndaýǵa ýáde etti, dep habarlaıdy Vestı.ru.
Qalanyń ortalyq kósheleri men alańdary urandata aıqaılap, jańa bıliktiń belgisi bolyp tabylatyn qara-qyzyl-jasyl tústi jalaýdy ersili-qarsyly bulǵaǵan kóńildi adamdarǵa toldy.
