Lıvııa jaǵalaýynda mıgranttar joǵalyp ketti
ASTANA. QazAqparat - Lıvııa jaǵalaýynda mıgranttar mingen rezeńke qaıyq sýǵa ketip, 35 adam ushty-kúıli joǵalyp ketti, dep jazady «Habar 24».
Arasynda 7 bala bar. Qazir munda izdestirý operatsııasy júrip jatyr. Alaıda mamandar «joǵalyp ketkenderdiń tiri qalýy ekitalaı» dep qaýiptenip otyr.
Qutqarýshylar sý kóliginiń taǵy 85 jolaýshysyn aman alyp qalǵan. Barlyǵy da Afrıka azamattary bolǵan. Olar Jerorta teńizi arqyly Eýropaǵa jetýdi josparlaǵan.
Negizi, Kári qurlyqqa aǵylǵan bosqyndardyń deni osy Lıvııa arqyly jolǵa shyǵady.
