Lıvııa jaǵalaýynda 40 mıgranttyń denesi tabyldy
ASTANA. QazAqparat - Lıvııa jaǵalaýynda 40 mıgranttyń denesi tabyldy. Olar mingen keme Jerorta teńizinde aýdarylyp qalǵan, dep habarlaıdy sheteldik BAQ.
Lıvııadaǵy Qyzyl Jartyaı qoǵamynyń ókiliniń aıtýyna qaraǵanda, senbi kúni Trıpolıden shyǵysqa qaraı ornalasqan Zlıten qalasynyń mańynan 27 adamnyń denesi tabylǵan. Qalǵany Trıpolı men kórshiles Homs qalasynyń jaǵalaý mańynan tabylǵan. Bosqyndardyń basym bóligi Afrıka elderinen shyqqan. Qazirgi kezde taǵy 30 adamnyń máıiti izdestirilip jatyr. Aldyn ala málimet boıynsha, olar aýdarylyp qalǵan qaıyqtyń ishinde bolǵan.
