Lıvııa jaǵalaýynda 2 myńnan astam mıgrant qutqaryldy
ASTANA. QazAqparat - Lıvııa jaǵalaýynda táýlik ishinde 2 myń 300-ge jýyq mıgrant qutqaryldy. Olar - Nıgerııa, Sýdan, Marokko jáne Bangladesh azamattary, dep habarlaıdy Habar 24 telearnasy.
Barlyǵy aǵash ne úrlemeli qaıyqpen Eýropaǵa jetpek bolǵan. Aman qalǵandardyń arasynda balalar az emes. Kámeletke tolmaǵan 100-ge tarta jasóspirimniń qaýipti saparǵa ata-anasyz attanǵany belgili boldy. Sý kólikterine sondaı-aq júkti kelinshekter de mingen. Qutqarylǵan bosqyndar Lıvııaǵa jetkizildi.
Negizi kári qurlyqqa attanǵan mıgranttardyń deni ádette osy memleket arqyly jolǵa shyǵady. Óıtkeni qazir elde ortaq bılik joq. Zańsyz mıgranttar kóbinese osy jaǵdaıdy paıdalanady.
