Lıvııa jaǵalaýynda 60-tan astam mıgrant sýǵa batyp ketti

Lıvııa jaǵalaýynda keme apatqa ushyrap, kem degende 61 adam qaza tapty. Kazinform bul týraly TASS agenttigine silteme jasap habarlaıdy.

Halyqaralyq kóshi-qon uıymynyń Lıvııadaǵy bólimshesi bul týraly X áleýmettik jelisinde jazǵan.

«Lıvııa jaǵalaýyndaǵy qaıǵyly keme apatynan keıin 61 mıgrant, sonyń ishinde áıelder men balalar qaza tapty», - delingen habarlamada.

Sýǵa batyp ketken keme jolaýshylarynyń kóbi Nıgerııa, Gambııa jáne Afrıka elderiniń azamattary bolǵan. Halyqaralyq kóshi-qon uıymynyń ókilderi aman qalǵandarǵa medıtsınalyq kómek kórsetip, 25 adam Trıpolı mańyndaǵy saýyqtyrý ortalyǵyna jiberildi.