Lıvııa úkimeti kóterilisshilermen kelisimge kelip, tynyshtyq ornatýǵa ázir
ASTANA. QazAqparat - Halyqaralyq qoǵamdastyq moıyndaǵan Lıvııanyń búgingi úkimetiniń ókili Jenevada ótken beıbit kelissózde eldegi saıası kelispeýshilikterdiń oń sheshiletinine senimdi ekenin málimdedi, dep habarlady VVS.
Onyń aıtýynsha, lıvııalyqtar 2011 jyly prezıdent Mýammar Kaddafıdi bılikten taıdyrǵannan keıin bastalǵan zorlyq-zombylyqty toqtatata alatyn ulttyq kelisim úkimetin kútip otyr.
Sońǵy ýaqyttarda Lıvııada bıliktiń álsizdigin paıdalanǵan, elge kúsh kórsetken narazy áskerı jasaqtar kóbeıip ketti.
Lıvııadaǵy BUU elshisi Bernardıno Leon budan buryn Lıvııadaǵy saıası daǵdarys ásker kúshimen sheshilmeıtinin málimdegen bolatyn.
