Lıvııa túrmesinen 400 adam qashyp ketti
TRIPOLI. QazAqparat - Jeksenbi kúni Lıvııa astanasy Trıpolıde úkimet áskerleri men qarýly jasaq arasyndaǵy qaqtyǵystyń órshýi kezinde Aın-Zara túrmesinen 400 sottalýshy qashyp ketti. Bul týraly Sınhýa agenttigi Lıvııa Ádilet mınıstrliginiń sot polıtsııasy departamentine silteme jasap habarlaıdy.
Vedomstvo málimdemesinde aıtylǵandaı, Aın-Zara túrmesiniń A sektorynda qarýdyń birneshe ret atylǵan daýsy estilgen. Keıin tutqyndar bas kótergen. Túrme qyzmetkerlerin zorlyq-zombylyq jasaýmen qorqytyp, ózderin bosatýdy májbúr etken.
Qazirgi kezde qashqyndardy izdestirý jumystary júrip jatyr.
Aın-Zara túrmesi Trıpolıdiń ońtústiginde ornalasqan. Onda ótken dúısenbiden beri úkimet áskerleri men kórshi Tarnýha qalasynan shyqqan «Jetinshi brıgada» dep atalatyn qarýly jasaq arasynda qaqtyǵys júrýde.
Lıvııa Densaýlyq saqtaý mınıstrliginiń málimetterine súıensek, qaqtyǵystar saldarynan 41 adam qaza taýyp, 123 adam jaralanǵan.
