Lıvııa sharıǵat zańymen ómir súrýge kóshti
ASTANA. 6 jeltoqsan. QazAqparat - Budan bylaı lıvııalyqtardyń barlyǵy ıslam zańdaryna baǵynatyn bolady. Eldi basqaratyn Jalpy ulttyq kongress basqarýshy memlekettik mekemeler úshin negizgi zańdy qujat retinde sharıǵattyń engizilýin qoldady, dep habarlady RBK.
«Islam zańdary budan bylaı Lıvııada zań shyǵarýshylyqtyń negizgi kózine, ustanar ustanymyna aınalady. Bıliktiń barlyq ınstıtýttaryna osyǵan baǵyný kerek», - delingen daýys berýden keıingi málimdemede.
Bul sheshimniń qaı salada qabyldanatyny áli naqty jazylǵan joq dep habarlandy. Alaıda arnaıy komıtet taıaý arada qazirgi zańnamanyń sharıǵat normalaryna sáıkestigin teksere bastaıdy.
Atap óteıik, Lıvııadaǵy barlyq kóterilister ıslam týyn kóterýmen ótti. Oppozıtsııa ókilderi biraz ýaqyt boıy demokratııany talap etti, alaıda jeńisten keıin elde ıslamǵa jol berdi.
Mýammar Kaddafıdiń kezinde eldegi ómir Quranmen emes, Djamahırııa jazǵan Jasyl kitappen rettelip otyrdy.
