Lıvııa parlamentiniń basshysy elde jalpyǵa birdeı jumyldyrý jarııalady
ASTANA. QazAqparat - Eldiń shyǵysyndaǵy Tobrýk qalasynda otyrys ótkizgen halyqaralyq qoǵamdastyq tanyǵan Lıvııa parlamentiniń (Ókilder palatasy) basshysy Akıla Saleh Isa elde jalpyǵa birdeı jumyldyrý jarııalady, dep habarlady TASS Al Arabiya telearnasyna silteme jasap.
Onyń aqparatyna qaraǵanda, «lıvııalyq parlament spıkeri jalpyǵa birdeı juımyldyrý jarııalady jáne armııa shtabynyń bastyǵy etip eldiń shyǵys aýmaǵyndaǵy áskerı komendant general Abderrazek an-Nazýrıdy taǵaıyndady». An-Nazýrı komendant bolyp taǵaıyndalǵan óńir Lıvııanyń shyǵysyndaǵy Derna qalasynan batystaǵy Ben-Djavad eldi mekneine deıingi aýmaqty qamtıdy. Bul aýmaq eldiń shyǵysyndaǵy memlekettiń jaǵalaýlyq óńiriniń jartysyna jýyǵyn qamıtıdy.
Telearnanyń habarlaýynsha, Ókilder palatasynyń basshysy «eldiń ýaqytsha úkimeti men armııadaǵy eń joǵary deńgeıdegi konsýltatsııalardan keıin» osyndaı shpeshim qabyldady.
Lıvııada 2011 jylǵy aqpanda halyq tolqýy bastalyp jáne odan keıingi Mýammar Kaddafıdi qulatýǵa jáne óltirýge ákep soqqan soǵystan keıin el qarama-qarsy eki lagerge bólindi. Uzaqqa sozylǵan áskerı janjal sharpyǵan memlekette eki úkimet jáne eki parlament paıda boldy: álemdik qoǵamdastyq kózqarasy boıynsha zańdy Ókilder palatasy men Jalpyǵa birdeı ulttyq kongress (burynǵy ýaqytsha parlament), qazir ol Trıpolıde ornalasqan.
Budan biraz ýaqyt buryn Lıvııada Faız Saradj basqarǵan ulttyq kelisim jańa úkimeti qalyptasty, ony kóptegen memleeketter men halyqaralyq uıymdar tanydy.
