Lıvııa ókimeti kóterilisshilermen kelissóz júrgizip jatyr - Frantsııa SІM
ASTANA. 27 maýsym. QazAqparat - Frantsııanyń Syrtqy ister mınıstri Alen Jıýppe Lıvııa ókimeti men Kaddafı rejıminiń qarsylastarynyń arasynda «baılanys ornatylyp jatqanyn» qýattady.
Bul týraly Europe 1 radıostansasy habarlady.
«Taraptardyń arasynda kelissóz júrip jatyr. Biraq áńgimeniń mán-jaıynan beıhabarmyn»,- deıdi Frantsııa mınıstri.
A.Jıýppen, qazir M.Kaddafıdiń bolashaq taǵdyry men onyń bılik basynan ketý máselesi sóz bolyp jatqanyn aıta kele: «Lıvııadaǵy qaqtyǵysty saıası jolmen sheshýdiń» jolyndaǵy negizgi másele osy», - dedi.
Esterińizge sala keteıik, Lıvııa ókimeti men kóterilisshilerdiń arasyndaǵy kelissóz týraly alǵash ret 18 maýsymda Lıvııa premeri Ál-Baǵdadı ál-Mahmudı málim etken bolatyn. Oppozıtsııa ókilderi bul aqparatty teriske shyǵarǵan edi.
