Lıvııa kóterilisshileri Kaddafıdi qorshaýǵa aldy
ASTANA. 7 qyrkúıek. QazAqparat - Lıvııa kóterilisshileri Mýammar Kaddafıdi qorshaýǵa aldy. Ony ustap, kózin qurtý ýaqyt enshisinde.
Bul jóninde sársenbi kúni Trıpolı jańa áskerı keńesiniń ókili Anıs Sharıf málimdedi.
Onyń aıtýynsha, kóterilisshiler Kaddafıdiń jasyrynǵan ornyn zamanaýı tehnologııa men kásibı barlaýdyń arqasynda anyqtaǵan, dep habarlaıdy Associated Press.
«Kaddafı qaqpanǵa tústi. Kóterilisshiler ony 40 mıl (60 shaqyrym) radıýsynda qorshaýǵa aldy», - dep habarlady Sharıf.
«Bul joly ol qashyp qutyla almaıdy», - dep qosty ol.
Lıvııanyń burynǵy basshysyn ustaý elde jańa úkimettiń qalyptasýyn biraz jeńildetedi.
