Lıvııa daǵdarysy kelissóz arqyly beıbit jolmen sheshilýi kerek - QHR SІM
BEIJІŃ. 18 naýryz. QazAqparat /Rýslan Súleımenov/ - Qytaı Lıvııa daǵdarysynda kúsh qoldanýǵa naryzylyq bildiredi, BUU Qaýipsizdik keńesi qabyldaǵan keshegi qarardyń mazmunyna qatysty bizdiń birqatar syn-eskertýimiz bar. Qytaı syrtqy saıasat vedomstvosy osyndaı málimdeme jasady.
"BUU Qaýipsizdik keńesiniń Lıvııaǵa qatysty qabyldaǵan №1973 qararynda Qytaı kelispeıtin baptar bar", - dep málim etti juma kúni QHR Syrtqy ister mınıstrliginiń resmı ókili Tszıan ıÝı.
Qytaıdyń ustanymynsha, BUU Qaýipsizdik keńesi halyqaralyq zańdar men erejelerge sáıkes qatań áreket etýi, Lıvııanyń egemendigin, táýelsizdigin, aýmaqtyq tutastyǵyn qurmetteýi kerek. Tszıan ıÝı hanym, Qytaıdyń qararǵa qarsy daýys bergenin, biraq arab elderi men Afrıka odaǵynyń alańdaýshylyǵy men ustanymdaryn, sondaı-aq Lıvııadaǵy qazirgi erekshe jaǵdaıdy eskere otyryp, veto quqyǵyn paıdalanbaǵanyn túsindirdi.
«Qytaı, BUU Bas hatshysy arnaıy ókiliniń, sondaı-aq Arab memleketteri lıgasy men Afrıka odaǵynyń Lıvııa daǵdarysyn beıbit jolmen retteýge baǵyttalǵan kúsh-jigerlerin jalǵastyrýdy qoldaıdy. Lıvııadaǵy jaǵdaı tez turaqtanady, qarýly qaqtyǵystardyń jáne gýmanıtarlyq daǵdarystyń ári qaraı ýshyǵýyna jol berilmeıdi degen úmittemiz», - dedi QHR SІM resmı ókili.
