Lıvııa bıligi saılaý men reformalar ótkizýge daıyn
ASTANA. 5 sáýir. QazAqparat - Lıvııa bıligi saılaý ótkizip, saıası júıeni reformalaýǵa daıyn ekenin jetkizip, Mýammar Kaddafıdiń bılikte qalýyn, ne ketýin tek qana halyq sheshetinin aıtty.
«Biz kez kelgen saıası júıeni ornatyp, kez kelgen ózgertýler jasaı alamyz: konstıtýtsııada, saılaý júıesinde, biraq osynyń bárin uıymdastyratyn basshy kerek. Biz soǵan senimdimiz», - dedi Lıvııa úkimetiniń resmı ókili Mýssa Ibragım Lıvııa memlekettik telarnasyna bergen suhbatynda.
«Lıvııalyqtardyń ne isteý kerektigine aqyl beretin sizder kimsizder? Tek qana lıvııalyqtar memleket basshysyn orynda qalýyn, ne bolmasa taqtan taıdyrýyn sheshedi, nege batys elderi osyny moıyndamaıdy», - dedi Lıvııa úkimetiniń resmı ókili. M.Ibragım sonymen qatar Trıpolı Italııanyń kóterilisshilerdi qoldaýyna ókinish bildirgenin jetkizdi.
