Lıvııa bıligi 170 senegaldyq bosqyndy eline qaıtardy
ASTANA. QazAqparat - Lıvııa bıligi el aýmaǵyna zańsyz kelgen 170 senegaldyq mıgrantty Otanyna qaıtardy, dep habarlaıdy 24.kz.
Shara jergilikti bıliktiń zańsyz bosqyndardy deportatsııalaý baǵdarlamasynyń aıasynda júrgizildi. Aqparat quraldarynyń habarlaýynsha, olar Lıvııaǵa Jerorta teńizi arqyly jetken. Al jergilikti bılik ótken jyldan beri 1 myńǵa jýyq kelimsekti eline keri qaıtarǵan.
Bul iste úkimetke Eýropalyq Odaq pen Halyqaralyq kóshi-qon uıymy kómektesip keledi. Maqsat - Eýropaǵa aǵylǵan zańsyz bosqyndarmen kúresý. Resmı sanaq boıynsha 2014-2016 jyldar aralyǵynda Jerorta teńizi arqyly kári qurlyqqa 1 mıllıon 600 myń mıgrant kelgen.
