Lıvııa astanasynda Mysyr jáne BAÁ elshilikteriniń mańynda eki jarylys boldy
ÁBÝ-DABI. QazAqparat - Beısenbi kúni Mysyr jáne Birikken Arab Ámirligi elshilikteriniń mańynda eki avtokólik jaryldy. Bombalar Trıpolıdegi qaýipsizdiktiń nasharlaýyna baılanysty birneshe aı buryn jabylǵan elshilikterden birneshe mınýttyq jerde jarylǵan.
Saldarynan BAÁ dıplomatııalyq mekemesiniń 3 kúzetshisi jáne Mysyr elshiliginiń 2 qaýipsizdik qyzmetkeri jaralanǵany týraly habarlandy.
BAÁ SІM Trıpolıdegi lańkestik jaǵdaıdy synady. «Halyqaralyq qaýymdastyqtyń synyna ushyraǵan bul qylmystyq, lańkestik áreketterdi joıýdyń ujymdyq, jedel sharalaryn qolǵa alý qajet», - dedi BAÁ syrtqy ister mınıstri sheıh Abdýlla bın Zaıed ál Nahaııan. Ámirlik dıplomaty shabýylǵa «Fadjr Lıvııa» jáne «Ansar ál Sharıat» ıslamshyl qurylymdaryn kinálady. Jarylystar ıslamshylardyń Mysyrdaǵy Sınaı túbeginde baqylaý-ótkizý beketin quryp, bes polıtseıdi óltirgen kúnimen tuspa-tus keledi. Sonymen qatar lańkester Mysyrdyń áskerı-teńiz kemesine Jerorta teńizinde shabýyl jasaǵan. Ondaǵy 8 áskerı qyzmetker iz-túzsiz joǵalǵandar sanatynda. Islamshylar beısenbi kúni Kaır metrosynda jarylys uıymdastyrdy dep te aıyptalýda. Ondaǵy jarylys saldarynan 16 adam jaraqattandy. Qazirgi ýaqytta ıslamshyl jaýyngerler Lıvııa astanasyn jáne aýqymy jaǵynan elde ekinshi oryn alatyn Bengazı qalasyn óz baqylaýynda ustap otyr. Olar BAÁ men Mysyrdy qarsylastaryna qarjylaı jáne áskerı qoldaý kórsetip jatyr dep kinálaýda.
