Lıvııa astanasynda qaqtyǵys bastaldy
ASTANA. 21 aqpan. QazAqparat - Lıvııa astanasy Trıpolı qalasynda dúısenbige qaraǵan túni, 21 aqpanda Mýammar Kaddafı rejımine qarsy top eldiń arnaıy qyzmet bólimshelerimen qaqtyǵysty,
dep habarlaıdy BBC News.
Keıbir derekter boıynsha, qaqtyǵys Trıpolıdiń ortalyq alańynda jáne qalanyń tórt aýdanynda bolyp jatyr. Qalada atylǵan myltyqtyń daýysy estilýde dep habarlanýda, al polıtsııa kózden jas aǵyzatyn gaz ben jaýyngerlik oqtardy qoldanýda. Ázirge zardap shekkender týraly málimet joq. 15 aqpanda bastalǵan narazylyq aktsııasy áli kúnge deıin birde bir ret el astanasynda ótpegen bolatyn.
Jeksenbi kúni ereýildeýshiler jaǵyna lıvııa armııasynyń jeke bólimshesi óte bastady degen habar shyqty.
Italııa SІM basshysy Franko Frattını lıvııa bıligi konstıtýtsııaǵa reformany qarap shyǵýǵa daıyn dep málimdedi, dep habarlaıdy Associated Press.
