Lıvııa astanasynda halyqaralyq áýejaı úshin qaqtyǵys órshı tústi
ASTANA. QazAqparat - Lıvııa astanasy Trıpolıdegi halyqaralyq áýejaıdy qolǵa almaq bolǵan eki taraptyń qaqtyǵysy órshı tústi. Jergilikti BAQ qazirgi sátte kem degende 4 adamnyń qaza bolǵandyǵy týraly jarııalady, biraq resmı aqparattar áli belgisiz, dep habarlaıdy ITAR-TASS.
Qaqtyǵystar áýejaıǵa jaqyn jatqan Kasr ben-Gashır aýdanynda bolyp jatyr.
Sońǵy apta ishinde áýejaı úshin qaqtyǵysqa ony baqylaýynda ustap otyrǵan general Halıfa Haftardyń «Zıntan brıgadasy» men ıslamdyq uıymdasqan top qatysyp jatyr. Uıymdasqan top general áskerinen halyqaralyq áýejaıdy tartyp almaq bolǵan. 18 shilde kúni eki tarag oq atýdy toqtatý týraly kelisimge kelgen bolatyn. Ol kezde atys saldarynan 30 adam qaza taýyp, 40-tan astamy jaralanǵany belgili bolǵan.
Qaqtyǵystar saldarynan áýejaıda ornalasqan ushaqtardyń 90 paıyzy zaqymdanǵan.
