Lıvııa Áskerı áýe kúshteri Trıpolıdiń jekelegen turǵyn aýdandaryn bombalaýda - Al-Jazeera
ASTANA. 22 aqpan. QazAqparat - Lıvııa Djamahırııasynyń Áskerı áýe kúshteri búgin el astanasy Trıpolıdiń jekelegen turǵyn aýdandaryn bombalady.
«Búgin bolǵan oqıǵa múldem aqylǵa syımaıdy. Áskerı ushaqtar men tikushaqtar eshbir qaraýsyz aýdandarǵa oq jaýdyryp jatyr. Qaza bolǵandardyń san kóp», - dedi Al-Jazeera telearnasynyń tikeleı efırinde oqıǵa kýágeri Mohammed Saleh.
Resmı lıvııalyq BAQ-tar azamattyq turǵyndardy bombylaýdy joqqa shyǵardy. Memlekettik televıdenıe Lıvııa basshysy Mýammar Kaddafıdiń uly Seıf ál-Islamnyń «qarýly kúshter turǵyndar aımaqtarynan alys ornalasqan qarý qoımalaryna ǵana soqqy jasady» degen sózderin keltirdi.
Quqyq qorǵaý uıymdarynyń derekterine sáıkes, Lıvııa «tóńkerisi» barysynda ótken aptada 300-deı adam qaza tapty. Bul derekterdi tekserýge múmkindik joq, sebebi Lıvııa bıligi elge sheteldik jornalshylarǵa kirýine tyıym saldy, al memlekettik televıdenıe bolsa úkimettik kúshter sherýshilerge qarsy oq atqan joq dep habarlaýda.
