Lıvııa armııasy Bas shtabynyń bastyǵy mingen ushaq Túrkııa aýmaǵynda apatqa ushyrady
ASTANA. KAZINFORM - Ankaradan ushyp shyqqannan keıin kóp uzamaı bortynda Lıvııa armııasy Bas shtabynyń bastyǵy Mohammed Alı-Ahmed al-Haddad bolǵan jeke ushaq radardan joǵalyp ketken. Bul týraly VVS habarlaıdy.
Túrkııanyń NTV telearnasynyń málimetinshe, Falcon markaly ushaq Ankaradan shamamen 70 shaqyrym ońtústikte, Haımana qalasy mańynda radardan kórinbeı, baılanys úzilgen.
Túrkııanyń ishki ister mınıstri Alı Erlıkaıa X áleýmettik jelisindegi paraqshasynda jergilikti ýaqyt boıynsha keshki saǵat 21.00 shamasynda ushaqpen baılanys joǵalǵanyn rastady. Onyń aıtýynsha, áýe kemesinde al-Haddad pen taǵy tórt adam bolǵan, olar Ankaradan Trıpolıge baǵyt alǵan.
Qazirgi ýaqytta oqıǵanyń mán-jaıy naqtylanyp jatyr, resmı organdar izdestirý-qutqarý sharalaryn júrgizýde.
Aıta keteıik, Lıvııada mıgranttar mingen qaıyqtar sýǵa batyp ketti.