Lıvıtt: Vashıngton Beıjińge salynatyn baj salyǵyn tómendetpeıdi

ASTANA. KAZINFORM — AQSh-tyń Qytaıdan keletin ónimderge kedendik baj salyǵyn birjaqty tómendetý nıetti joq. Kerisinshe, Vashıngton Beıjińniń tarıfterdi azaıtyp, saýda kedergilerin alyp tastaǵanyn kútip otyr. Bul týraly Fox News arnasyna bergen suhbatynda Aq úıdiń baspasóz hatshysy Kerolaın Lıvıtt málimdedi, dep jazady Report.

— Qytaıǵa birjaqty tarıftik jeńildikter bolmaıdy. Prezıdent Qytaıdyń AQSh-pen kelisim jasaýy qajet ekenin túsindirdi. Qytaı úshin tarıfterdiń qandaı bolatynyn prezıdent sheshedi, biraq biz Qytaı tarapynyń tarıfterdi tómendetkenin jáne saýda kedergilerin alyp tastaǵanyn kórýimiz kerek, — dedi ol.

Aıta keteıik, Qytaı AQSh baj salyǵyn aınalyp ótý úshin óz taýarlaryn Ońtústik Koreıa ónimi retinde kórsetip jatqanyn jazdyq.

Sondaı-aq, Qytaı AQSh-tan suıytylǵan tabıǵı gaz satyp alýdy toqtatty.

AQSh pen Qytaı saýda kelisimine 3-4 aptada qol jetkize alady degen boljam bar.

Qytaıdyń munaı óńdeý zaýyttary saýda shıelenisi ýshyǵyp turǵan shaqta AQSh munaıyn satyp alýdy shamamen 90%-ǵa qysqartyp, kanadalyq shıki munaıdy ımporttaýǵa kóshe bastady.