Lıverpýldegi álem chempıonaty: Sanjar Táshkenbaı jartylaı fınalǵa shyqty

ASTANA. KAZINFORM – Qazaqstandyq bylǵary qolǵap sheberi Sanjar Táshkenbaı álem birinshiliginiń shırek fınalynda úndistandyq boksshy Djadýmanı Sıngh Mandegbammen judyryqtasty. 

Asa jeńil salmaqta synǵa túsken otandasymyz bul kezdesýde aıqyn basymdylyqpen jeńiske jetip, jartylaı fınal joldamasyn ıelendi. Osylaısha álemdik dodada júldege qol jetkizgen boksshylarymyzdyń sany 10-ǵa jetti. 

Anglııanyń Lıverpýl qalasynda ótip jatqan dúbirli doda 14 qyrkúıekke deıin jalǵasady. Sporttyq báseke «Qazaqstan» jáne «Qazsport» telearnalarynan tikeleı efırde kórsetiledi.

Eske sala keteıik, munyń aldynda Lıverpýl qalasyndaǵy bokstan álem chempıonatynyń kezekti jarys kúninde neshe boksshymyz sharshy alańǵa shyǵatynyn jazǵan edik.