Lıverpýldegi jarylys: taksı júrgizýshisi qaıǵyly jaǵdaıdyń aldyn aldy

NUR-SULTAN. QazAqparat – Taksı júrgizýshisi Deıv Perrı jeksenbi kúni kúndiz Lıverpýldegi aýrýhananyń janynda bolǵan jarylystyń yqtımal qurbandaryn qutqara aldy. Bul týraly brıtandyq The Sun tabloıdy jazdy, dep habarlady QazAqparat.

Onyń málimetinshe, Perrı kólikten sekirip túsip, esikterdi qulyptap úlgeredi. Al mashına ishinde jarylǵysh qurylǵysy bar jolaýshy qalyp qoıǵan. Artynsha jarylys bolǵan. Tabloıdtiń habarlaýynsha, taksıdegi - jarylys kezinde mert bolǵan jalǵyz adam. Júrgizýshini kúıik shalǵan. Ony aýrýhanaǵa jatqyzdy.

Buǵan deıin RA agenttigi habarlaǵandaı, jeksenbi kúni kúndiz Lıverpýlde kólik jarylǵan, saldarynan bir adam qaza taýyp, ekinshisi jaraqat alǵan. 21, 26 jáne 29 jastaǵy úsh er adam lańkestikke qarsy is-qımyl týraly zań boıynsha ustaldy. Degenmen brıtandyq qaýipsizdik kúshteri oqıǵany resmı túrde terakt dep ataǵan joq.