LIVE: Vetnam Kommýnıstik partııasy Ortalyq komıtetiniń Bas hatshysy To Lamnyń Aqordaǵa sapary
ASTANA. KAZINFORM — Vetnam Kommýnıstik partııasy Ortalyq komıtetiniń Bas hatshysy To Lam elimizge memlekettik saparmen keldi
Aqordanyń baspasóz qyzmeti habarlaǵandaı, joǵary deńgeıdegi kelissózder barysynda saýda-ekonomıkalyq, ınvestıtsııalyq jáne gýmanıtarlyq salalardaǵy qazaq-vetnam yntymaqtastyǵyn damytý perspektıvasy talqylanady.
7 mamyr kúni Vetnam Kommýnıstik partııasy Ortalyq Komıtetiniń Bas hatshysy Uly Jeńistiń 80 jyldyǵyna oraı Astanada ótetin áskerı paradty tamashalaıdy.
Eske salsaq, keshe Prezıdent Qasym-Jomart Toqaev elorda áýejaıynda Qazaqstanǵa memlekettik saparmen kelgen Vetnam Kommýnıstik partııasy Ortalyq komıtetiniń Bas hatshysy To Lamdy qarsy aldy. Qazaqstan men Vetnam basshylary elorda áýejaıynda az-kem áńgimelesti. Qazaqstan Prezıdenti Qasym-Jomart Toqaev eki el yntymaqtastyǵynyń áleýeti mol ekenin atap ótti.
— Qurmetti To Lam myrza, elimizdiń astanasyna qosh keldińiz! Sizdiń saparyńyzdyń tarıhı mańyzy zor jáne Qazaqstan men Vetnam arasyndaǵy yqpaldastyqty keń aýqymda damytýǵa tyń serpin beredi dep sanaımyn. Sizdiń elińizge jasaǵan sapardan úlken ásermen oraldym. Vetnammen túrli baǵyttaǵy baılanysty jan-jaqty nyǵaıtý turǵysynan jumysty jalǵastyrý qajet degen oıǵa keldim. Eki el yntymaqtastyǵynyń áleýeti mol, — dedi Toqaev.
Óz kezeginde Vetnam Kommýnıstik partııasy OK Bas hatshysy To Lam Qazaqstan men Vetnamdy tamyry tereń dostyq qarym-qatynas baılanystyratynyn aıtty.
— Qadirli Prezıdent myrza, Sizge jáne Qazaqstan halqyna shynaıy rızashylyǵymdy bildirýge ruqsat etińiz. Ushaq trapynan qarsy alǵanyńyz — biz úshin zor mártebe. Bul asqan qonaqjaılylyqtyń jáne bizge kórsetilgen qurmettiń belgisi. Qazaqstan men Vetnamdy tamyry tereń dostyq qarym-qatynas baılanystyrady, — dedi To Lam.
Sapar aıasynda shaǵyn jáne keńeıtilgen quramda kelissózder ótedi. Sondaı-aq birqatar mańyzdy qujatqa qol qoıý josparlanǵan.
Keıingi 30 jyldan astam ýaqytta eki el baılanysy qalaı nyǵaıdy? Kazinform analıtıkalyq sholýshysy osy taqyrypty taldap kórgen edi.