LIVE: Túrikmenstan Prezıdenti Serdar Berdimuhamedovtiń memlekettik sapary
ASTANA. KAZINFORM - Aqordada Túrikmenstan Prezıdenti Serdar Berdimuhamedovti resmı qarsy alý rásimi bastaldy.
Túrikmenstan Prezıdentiniń Astanaǵa memlekettik sapary 24-25 qarasha kúnderine josparlanǵan.
Sapar aıasynda taraptar Qazaqstan men Túrikmenstan arasyndaǵy strategııalyq seriktestikti nyǵaıtý perspektıvasyn talqylaıdy.
Sońǵy otyz jyldan asa ýaqyt ishinde Astana men Ashhabad saıası, ekonomıkalyq jáne kólik-logıstıkalyq salalardy qamtıtyn ózara yntymaqtastyqty turaqty damytty. Seriktestiktiń negizgi baǵyttaryn Kazinform tilshisi sarapshylarmen birge taldap shyqqan edi.
Serdar Berdimuhamedovtiń ushaǵy Astanaǵa keshe tús aýa qondy, mártebeli meımandy Qazaqstan Prezıdenti Qasym-Jomart Toqaev qarsy alyp, Qurmet qaraýyly sap túzedi.
Túrikmenstan Prezıdentiniń Qazaqstanǵa memlekettik sapary aıasynda birqatar salalarǵa qatysty kelissózder júrgiziledi.