LIVE: Tájikstan Prezıdenti Emomalı Rahmonnyń Qazaqstanǵa resmı sapary
ASTANA. KAZINFORM — Astana halyqaralyq áýejaıynda elimizge resmı saparmen kelgen Tájikstan Prezıdenti Emomalı Rahmondy qarsy alý rásimi ótip jatyr.
Eske salsaq 5-7 qarasha kúnderi Memleket basshysynyń shaqyrýymen elimizge Tájikstan Prezıdenti Emomalı Rahmon resmı saparmen keletini týraly jazǵan edik.
Aıta ketelik Qazaqstan men Tájikstan arasyndaǵy saýda aınalymy 1,13 mlrd dollarǵa jetken edi.
Sonymen qatar Qazaqstan men Tájikstan ekonomıkalyq yntymaqtastyqtyń jańa baǵyttaryn aıqyndaǵan edi.
Taraptar saıası árekettestiktiń turaqty sıpatqa ıe bolyp otyrǵanyn, joǵary jáne eń joǵary deńgeıdegi baılanystardyń úzilmeı kele jatqanyn, bul ekijaqty kún tártibiniń keńeıýine yqpal etip otyrǵanyn atap ótti.
Saýda, ınvestıtsııa, ónerkásip, kólik jáne logıstıka, energetıka, aýyl sharýashylyǵy, bilim berý, densaýlyq saqtaý, ǵylym, mádenıet, týrızm jáne sport salalaryndaǵy yntymaqtastyqtyń bolashaǵy talqylandy.
Qazaqstan — Tájikstannyń negizgi úsh saýda seriginiń biri. 2026 jyldyń qańtarynan qyrkúıegine deıin elder arasyndaǵy saýda aınalymy byltyrǵymen salystyrǵanda 25,6%-ǵa ósip, 1,13 mıllıard dollarǵa jetti. 2025 jyly Tájikstan ekonomıkasyna Qazaqstannan 133,8 mıllıon dollar ınvestıtsııa salyndy, sonyń 14,4 mıllıon dollary tikeleı ınvestıtsııalar.
Taraptar Saýda aınalymyn arttyrý jáne Qazaqstannyń shıkizat emes ónimderin jetkizýdi keńeıtý boıynsha jol kartasyn qabyldaý týraly kelisimge keldi.
