LIVE: Slovakııa Premer-mınıstri Robert Fıtsony Aqordada qarsy alý rásimi
ASTANA. KAZINFORM – Jibek joly telearnasy Memleket basshysy Qasym-Jomart Toqaevtyń shaqyrýymen kelgen Slovakııa Premer-mınıstri Robert Fıtsony Aqordada qarsy alý rásimin tikeleı efırde kórsetip jatyr.
Buǵan deıin habarlanǵanyndaı, kelissózder barysynda Qazaqstan Prezıdenti men Slovakııa Úkimetiniń basshysy qazaq-slovak seriktestigin keńeıtý perspektıvasyn talqylaıdy.
Aıta ketsek, Qazaqstan men Slovakııanyń dıplomatııalyq qatynastary 1993 jyldyń 1 qańtarynda ornady. Degenmen elshilikter keıinirek ashyldy. 2005 jyly Qazaqstanda Slovakııa Respýblıkasynyń Elshiligi, 2006 jyly Bratıslavada Qazaqstannyń dıplomatııalyq ókildigi boı kóterdi.
2009 jyly Chehııa men Slovakııadaǵy Qazaqstan Elshiliginiń Konsýldyq bólimi jumysyn bastady. Osydan 6 jyl buryn ǵana Slovakııada Qazaqstan Elshiligi ashyldy.
Jalpy, eki tarap kópten beri saıası yntymaqtastyqqa beıil. Eki el basshylary birneshe ret memlekettik hám resmı saparlarmen bir-birine qonaq bolyp, kelissózder ótkizgen. Byltyr qarashada Bakýde ótken COP29 aıasynda Qazaqstan Prezıdenti Qasym-Jomart Toqaev Slovakııa Prezıdenti P. Pellegrınımen kezdeskeni este. Túrli saladaǵy qarym-qatynastardy jaqsartý máselesin pysyqtaý úshin eki el mınıstrleri de kóp sapar jasady.
Parlamentaralyq yntymaqtastyq ta belsendi, qazir Qazaqstan Parlamentiniń eki palatasynda da Slovakııamen yntymaqtastyq toptary jumys isteıdi.
Kazinform agenttiginiń analıtıkalyq sholýshysy eki el baılanysynyń kórkeıýin jan-jaqty saralap kórdi.