LIVE: Serbııa Prezıdenti Aleksandr Výchıchtiń Qazaqstanǵa resmı sapary
ASTANA. KAZINFORM – Memleket basshysy Qasym-Jomart Toqaevtyń shaqyrýymen Serbııa Prezıdenti Aleksandr Výchıch Astanaǵa resmı saparmen keledi.
Buǵan deıin habarlaǵanymyzdaı, sapar aıasynda joǵary deńgeıdegi kelissózder ótedi. Memleketter basshylary qazaq-serb qarym-qatynasynyń qazirgi jaı-kúıi men perspektıvasyn talqylaıdy. Saıası dıalogti odan ári nyǵaıtý, saýda-ekonomıkalyq baılanystar men mádenı-gýmanıtarlyq yqpaldastyqty keńeıtý máselelerine basa nazar aýdarylady.
Astana men Belgrad saýda-ekonomıkalyq salalarda nendeı kelisimge kelýi múmkin, alda qandaı jobalar qolǵa alynýy yqtımal? Kazinform tilshisi eki el arasyndaǵy baılanystyń mańyzdy tustaryna toqtalyp kórdi.
Aıta ketsek, ótken jyly Memleket basshysy Serbııa Prezıdentimen telefon arqyly sóılesken bolatyn. Qasym-Jomart Toqaev pen Aleksandr Výchıch ekijaqty yntymaqtastyqtyń damý qarqynyn joǵary baǵalap, qazaq-serb qarym-qatynastaryn odan ári nyǵaıtýǵa nıetti ekenin jetkizdi.
Taraptar Qazaqstan Prezıdentiniń 2024 jylǵy qarasha aıynda Belgradqa resmı sapary barysynda qol jetkizilgen ýaǵdalastyqtardy júzege asyrý barysyn talqylady. Memleketter basshylary saýda-ekonomıkalyq jáne ınvestıtsııalyq baılanystardy jandandyrýdyń, sonyń ishinde ónerkásip, energetıka, qurylys, aýyl sharýashylyǵy, tsıfrlandyrý, kólik jáne logıstıka salalaryndaǵy birlesken bastamalardy naqty iske asyrýdyń mańyzyn atap ótti.
Qasym-Jomart Toqaev Aleksandr Výchıchti bıyl Qazaqstanǵa resmı saparmen kelýge shaqyrdy.