Live: «Referendým-2026» onlaın-marafony
ASTANA. KAZINFORM — Ata Zańymyzdyń bolashaǵyna arnalǵan «Referendým-2026» atty onlaın-marafon saǵat 12:00-de bastaldy.
Onlaın-marafon saǵat 18:00-ge deıin Kazinform agenttiginiń YouTube arnasynda, respýblıkalyq telearnalardyń jáne ınternet-portaldardyń YouTube jáne Facebook jelisindegi platformalary arqyly translıatsııalanady.
Marafon aıasynda 100-ge jýyq sarapshy, zańger, qoǵam belsendisi men memleket qaıratkerleri sóz sóıleıdi.
Shara aıasynda Konstıtýtsııalyq komıssııa músheleri, zańgerler, sarapshylar jáne azamattyq belsendiler pikir almasý alańynda bas qosady. Konstıtýtsııalyq ózgeristerdiń ár azamattyń ómirine áseri týraly aıtylady.
Eske salsaq, 11 aqpan kúni Qasym-Jomart Toqaev Konstıtýtsııalyq komıssııa tóraǵasy – Konstıtýtsııalyq sot tóraǵasy Elvıra Ázimovany, Konstıtýtsııalyq komıssııa tóraǵasynyń orynbasary – Memlekettik keńesshi Erlan Qarındi jáne Konstıtýtsııalyq komıssııa múshesi – Prezıdenttiń quqyqtyq máseleler jónindegi kómekshisi Erjan Jıenbaevty qabyldady. Memleket basshysyna Komıssııanyń jańa Konstıtýtsııa jobasy boıynsha atqarǵan jumysy týraly málimet berildi.
Memleket basshysy 2026 jylǵy 15 naýryzda respýblıkalyq referendým ótkizý týraly Jarlyqqa qol qoıdy.
Qazaqstan Respýblıkasynyń jańa Ata Zańynyń qorytyndy jobasy jarııalandy.