LIVE: Konstıtýtsııalyq reforma jónindegi komıssııanyń birinshi otyrysy
ASTANA. KAZINFORM – Dál qazir Konstıtýtsııalyq reforma jónindegi komıssııanyń alǵashqy otyrysy ótip jatyr.
Tikeleı efır saǵat 14:00-de bastaldy.
Sondaı-aq Kazinform agenttiginiń qazaq jáne orys tilindegi Telegram arnasynda mátin translıatsııasy bolady.
Memleket basshysy Ulttyq quryltaıdyń V otyrysynda «Quryltaı» atty bir palataly parlamentke kóshýdi, vıtse-prezıdent laýazymyn qaıtaryp, zań shyǵarý bastamasyn kóterýge haqyly «Halyq keńesin» qurý bastamasyn kóterdi.
Prezıdent barlyq reformalar ózara baılanysty bolyp, memleket pen qoǵam arasyndaǵy kelisimniń, birlik pen dıalogtyń qazaq modelin nyǵaıtýǵa baǵyttalýy tıis ekenin atap ótti.
21 qańtarda Memleket basshysy Qasym-Jomart Toqaev Konstıtýtsııalyq reforma jónindegi komıssııa qurý týraly Jarlyqqa qol qoıdy. Onyń quramyna depýtattar korpýsy men ókildi bılik organdarynyń músheleri, qoǵam qaıratkerleri, saıasattanýshylar kirdi. Búgin osy komıssııanyń alǵashqy otyrysy ótip jatyr.
Buǵan deıin Konstıtýtsııalyq reforma jónindegi komıssııanyń quramyna kimder kirgenin jazǵan edik.