LIVE: Kambodja Koroldiginiń premer-mınıstri Hýn Manettiń Qazaqstanǵa resmı sapary
ASTANA. KAZINFORM – Aqordada elimizge resmı saparmen kelgen Kambodja Koroldiginiń premer-mınıstri Hýn Manetti qarsy alý rásimi ótip jatyr.
Bıyl 17 shildede Shanhaıda ótken Dúnıejúzilik jasandy ıntellekt jónindegi konferentsııa aıasynda Prezıdent Qasym-Jomart Toqaev Kambodja Premer-mınıstri Hýn Manetpen kezdesken bolatyn.
Memleket basshysy Qazaqstan Kambodjamen berik dostyqqa jáne ózara qurmetke negizdelgen seriktestikti joǵary baǵalaıtynyn jetkizgen edi. Qazaqstan Prezıdenti eki el arasyndaǵy saýda-ekonomıkalyq yntymaqtastyqqa tyń serpin berý úshin áleýet mol ekenin atap ótti.
Prezıdenttiń pikirinshe, taýar aınalymyn arttyratyn perspektıvti baǵyttar qataryna aýyl sharýashylyǵy, toqyma óndirisi, týrızm, qurylys, taǵam ónerkásibi, kólik-logıstıka salalary kiredi.
Premer-mınıstr Hýn Manet Kambodjanyń Qazaqstanmen qarym-qatynasty nyǵaıtýǵa múddeli ekenin rastady. Ol eki eldiń úkimetteri men isker toptary arasyndaǵy baılanystardy nyǵaıtýdyń mańyzyna toqtalyp, birlesken jobalarǵa jan-jaqty qoldaý kórsetýge daıyn ekenin jetkizdi.
