LIVE: Fınlıandııa prezıdenti Aleksandr Stýbbtyń Qazaqstanǵa resmı sapary
ASTANA. KAZINFORM – Qazaqstan Prezıdentiniń shaqyrýymen Astanaǵa Fınlıandııa Prezıdenti Aleksandr Stýbb resmı saparmen keldi.
Fınlıandııa basshysynyń bizdiń elge sapary 28-29 qazan kúnderine josparlanǵan.
Aqordanyń málimetine saı, sapar aıasynda memleket basshylary kelissóz júrgizip, ekijaqty yntymaqtastyqty damytý perspektıvasyn, sondaı-aq jahandyq jáne óńirlik kún tártibindegi máselelerdi talqylaıdy.
Aıta keteıik, Fınlıandııa Qazaqstandy Ortalyq Azııadaǵy senimdi seriktesi retinde kóredi. Bul saıası ustanym keıingi jyldary ekonomıkalyq ósimge ulasyp, memleketaralyq jobalardyń júzege asýyna túrtki bolyp otyr. Ásirese kásipkerler Orta dálizdiń áleýetin paıdalaný arqyly ekijaqty saýda úlesin arttyrýǵa yntaly. Al bul resmı sapardyń aıasynda qandaı kelisimder jasalyp, qaı salalarǵa ınvestıtsııa tartylýy múmkin ekeni jaıly Kazinform-nyń saraptamasynda keńirek jazylǵan.