LIVE: Eýrazııalyq ekonomıkalyq forýmnyń plenarlyq otyrysy
ASTANA. KAZINFORM - Elordada V Eýrazııa ekonomıkalyq forým bastaldy.
Bıyl halyqaralyq pikirtalas alańynda «Jahandyq tsıfrlyq básekedegi EAEO: jasandy ıntellektige basymdyq berý» taqyryby talqylanady.
Prezıdent Qasym-Jomart Toqaev forýmǵa qatysý úshin elordaǵa kelgen EAEO-ǵa múshe memleketter basshylaryna jáne delegatsııa jetekshilerine iltıpat bildirdi.
Mártebeli meımandar qatarynda Reseı Prezıdenti Vladımır Pýtın, Belarýs Prezıdenti Aleksandr Lýkashenko, Qyrǵyzstan Prezıdenti Sadyr Japarov, Armenııa vıtse-premeri Mger Grıgorıan, Kýba Respýblıkasynyń vıtse-prezıdenti Salvador Valdes Mesa, Vetnam Premer-mınıstriniń orynbasary Ho Kýok Zýng, Mońǵolııa Premer-mınıstriniń orynbasary Nıamtaıshıryn Nomtoıbaıar, Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev jáne taǵy da basqa laýazymdy resmı tulǵalar bar.
Osy turǵydan alǵanda, 2026 jylǵy 1 qańtardan beri Qazaqstannyń EAEO-ǵa tóraǵalyq etýi jáne uıymnyń Astanada ótetin forýmy bıylǵy eń iri saıası oqıǵalardyń biri retinde qarastyrylady. Ol óńirlik ekonomıkalyq ıntegratsııanyń aldaǵy kezeńdegi basymdyqtaryn aıqyndamaq.
Eske sala keteıik, búgin tańerteń Memleket basshysy elimizge memlekettik saparmen kelgen Reseı Federatsııasynyń prezıdenti Vladımır Pýtındi qarsy aldy. Qazaqstan men Reseı prezıdentteri shaǵyn jáne keńeıtilgen quramda kelissózder ótkizdi. Odan soń BAQ ókilderine málimdeme jasady.
Josparǵa saı, Erteń Joǵary Eýrazııalyq keńestiń otyrysy uıymdastyrylady.
