LIVE: Belgııalyqtar Koroli Fılıpp jáne Patshaıym Matıldanyń memlekettik sapary
ASTANA. KAZINFORM - Elordada elimizge memlekettik saparmen kelgen belgııalyqtar Koroli Fılıpp jáne Patshaıym Matıldany saltanatty qarsy alý rásimi ótip jatyr.
Mártebeli meımandardyń sapary 11-14 qazan kúnderine josparlanǵan.
Joǵary deńgeıdegi kelissózder barysynda Qazaqstan men Belgııa arasyndaǵy san qyrly yntymaqtastyqty nyǵaıtý perspektıvasy talqylanady.
Prezıdent Qasym-Jomart Toqaev pen Korol Fılıpp jáne Patshaıym Matılda«Qazaqstan-Belgııa» iskerlik keńesiniń 4-otyrysyna jáne eki el joǵary oqý oryndary rektorlarynyń forýmyna, sondaı-aq basqa da is-sharalarǵa qatysady dep josparlanyp otyr.
Sapar qorytyndysy boıynsha Birlesken málimdeme qabyldanyp, birqatar qujatqa qol qoıylady.
Aıta keteıik, keshe Belgııa monarhtaryn Qasym-Jomart Toqaev áýejaıdan kútip aldy.
Qazaqstan Prezıdenti Belgııa Koroliniń saparyn tarıhı mánge ıe dep baǵalady.
