LIVE: Abý-Dabı taq murageriniń Aqordaǵa resmı sapary
ASTANA. KAZINFORM — Jibek joly telearnasy Abý-Dabıdiń Taq murageri sheıh Haled ben Muhammed ben Zaıd Ál-Nahaıannyń Aqordaǵa saparyn tikeleı efırde kórsetip jatyr.
Abý-Dabıdiń Taq murageri sheıh Haled ben Muhammed ben Zaıd Ál-Nahaıan elordaǵa keshe keldi. Bul týraly Úkimettiń baspasóz qyzmeti habarlady.
Taq murageriniń Qazaqstanǵa at basyn burýy – Astana men Ábý-Dabı arasyndaǵy strategııalyq seriktestiktiń mańyzdy qadamy. Osy arqyly qos tarap senim men qurmetke negizdelgen ózara is-qımyldy jalǵastyrýǵa beıil. Kelissózder barysynda saıası-ekonomıkalyq jáne ınvestıtsııalyq máselelerdiń bolashaq damý áleýeti talqylanbaq. Sapar qorytyndysy boıynsha eki memleket arasyndaǵy strategııalyq yntymaqtastyqty nyǵaıtýǵa baǵyttalǵan birqatar qujatqa qol qoıý josparlanyp otyr.
Kazinform tilshisi sapardyń mańyzy men ekijaqty qatynastyń damý baǵdaryn saraptap kórgen edi.