Lıvannyń ońtústiginde ındonezııalyq BUU beıbitshilik mıssııasynyń áskeri qaza tapty
ASTANA. KAZINFORM — Lıvannyń ońtústiginde BUU ýaqytsha kúshteri (UNIFIL) quramyndaǵy ındonezııalyq beıbitshilik mıssııasynyń áskeri mına jarylysy saldarynan qaza tapty. Bul oqıǵa Adchıt al-Kýseır aýdanynda, beıbitshilik mıssııasynyń ornalasqan jerine jaqyn jerde bolǵan.
UNIFIL málimetinshe, oq-dári qaıdan shyqqany áli anyqtalǵan joq, tergeý bastalǵan. Sonymen qatar, bir beıbitshilik qyzmetkeri aýyr jaraqat alǵan.
Indonezııa bıligi áskeri artıllerııalyq oqtyń janama áserinen qaza tapqanyn rastady. Taǵy úsh ındonezııalyq beıbitshilik qyzmetkeri jaraqat alǵan.
A peacekeeper was tragically killed last night when a projectile exploded in a UNIFIL position near Adchit Al Qusayr. Another was critically injured. No one should ever lose their life serving the cause of peace.
— UNIFIL (@UNIFIL_) March 29, 2026
— Biz qaza tapqan jaýyngerdiń otbasyna kóńil aıtamyz jáne jaralanǵandardyń tezirek saýyǵyp ketýin tileımiz, — dedi Indonezııa Syrtqy ister mınıstrligi.
The Government of the Republic of Indonesia expresses its deepest condolences following the death of one Indonesian peacekeeper and the injury of three others serving with the United Nations Interim Force in Lebanon (UNIFIL), after indirect artillery fire in the vicinity of the…
— MoFA Indonesia (@Kemlu_RI) March 30, 2026
Djakarta ókilderi sondaı-aq UNIFIL komandovanııasymen birge qaza tapqannyń denesin elge qaıtarý jáne zardap shekkenderge medıtsınalyq kómek kórsetý úshin jumys istep jatqanyn habarlady. Indonezııa bolǵan jaǵdaıǵa narazylyq bildirip, oqıǵany muqııat tergeýge shaqyrdy, beıbitshilik qyzmetkerleriniń qaýipsizdigin qamtamasyz etý qajettigin atap ótti.
BUU Bas hatshysy Antonıý Gýterrısh barlyq taraptardy halyqaralyq quqyq normalaryn saqtaýǵa jáne BUU personalynyń qaýipsizdigin qamtamasyz etýge shaqyrdy.
I strongly condemn Sunday’s incident during which an Indonesian peacekeeper of @UNIFIL_ was killed amidst hostilities between Israel & Hizbullah. Another Indonesian peacekeeper was seriously injured in the same incident.
— António Guterres (@antonioguterres) March 30, 2026
My deepest condolences to the family, friends &…
Bul oqıǵa Lıvannyń ońtústigindegi qaqtyǵystar kúsheıgen tusta boldy. Izraıl áskeri men «Hezbolla» qozǵalysy arasyndaǵy qaqtyǵystar shıelenisip otyr. UNIFIL málimetinshe, naýryz aıynan beri mıssııanyń pozıtsııalary birneshe ret atqylanǵan.
Al 7 naýryzda shekaralas aımaqta bolǵan atys kezinde Gana beıbitshilik qyzmetkerleri jaraqat alǵan.
BUU deregi boıynsha, naýryz aıynan beri Lıvandaǵy qaqtyǵystar men áýe soqqylary saldarynan 1,2 mıllıonnan astam adam úılerin tastap ketýge májbúr bolǵan.
Izraıl armııasy Lıvannyń ońtústiginde shekaradan 30 shaqyrym tereńdikke deıin býferlik aımaq qurý maqsatynda operatsııa júrgizip jatyr. BAQ habarlamalary boıynsha, áskerler Tır qalasynyń ońtústigine jáne jaǵalaýdaǵy tas jol boıyna deıin ilgeri jyljyǵan.
Sonymen qatar, Beırýttyń ońtústik mańdaryna soqqylar túsip, qaqtyǵystyń ári qaraı shıelenisý qaýpi men gýmanıtarlyq saldarlarǵa alańdaýshylyqty arttyryp otyr.
Aıta keteıik, BUU Bas hatshysy Lıvandaǵy bitimgershilik kúshteriniń jaralanýyn aıyptady.
Qazirgi ýaqytta UNIFIL quramynda 47 elden 8203 bitimger bar, onyń ishinde úsh qazaqstandyq qatysyp jatyr.
