Lıvanǵa jiberilgen áskerılerdiń otbasylarymen kezdesý ótti
Kezdesý Qapshaǵaı garnızony mádenı-demalys ortalyǵynda ótti. Qolbasshy áskerı qyzmetshilerdiń otbasylarymen jeke ýaqyttarynda baılanysqa shyǵý jáne sóılesýlerine qatysty barlyq suraqtarǵa jaýap berip, qajet bolǵan jaǵdaıda olarǵa barlyq kómek kórsetiletinin atap aıtty.
Kontıngent komandıriniń orynbasary kapıtan Aıbol Saýqymuly óz baıandamasyn jetkizdi. Ol jeke quramnyń moraldi-psıhologııalyq jaǵdaıyna, rotanyń barlyq qamtamasyz etý túrlerine qatysty máselelerdi talqyǵa salyp, sonymen qatar Lıvandaǵy geosaıasattyq jaǵdaımen tanystyrdy.
Kezdesý sońynda general-maıor Qanysh Asanhanuly qazaqstandyq bitimgerlik polky birinshi birikken bitimgerlik rotasy óziniń bitimgershilik paryzyn erlik pen abyroımen aıaqtady. Qazirgi ýaqytta joǵary kásibı biliktilikterin kórsetken ekinshi rota da óz tapsyrmalaryn aıaqtaýda.
«Men úshinshi birikken bitimgerlik rotasy aldyna qoıylǵan mindetterdi oıdaǵydaı oryndaıtyndaryna senemin», - dedi bitimgerlerdiń týǵan-týystary men jaqyndaryna. Óz kezeginde general-maıor Qanysh Ábýbákirov týystary tarapynan áskerı qyzmetshilerge moraldyq qoldaý kórsetý mańyzdy ekenin atap ótti.
Esterińizge sala ketsek, 2018 jyldyń 30 qazanynan bastap qazaqstandyq bitimgerlik polkynyń áskerı qyzmetshileri «Lıvandaǵy BUU-nyń ýaqytsha kúshteri» atty bitimgershilik mıssııasyna qatysýda. Qazirgi kezde ekinshi rota mıssııany atqarýda, ony jaqyn arada úshinshi birikken bitimgerlik rotasy almastyrady.