Lıvandaǵy jarylystan adamdar qurban boldy
ASTANA. 16 qańtar. QazAqparat - Lıvannyń soltústik-shyǵysyndaǵy Hermel qalasynda bolǵan jarylystyń saldarynan kem degende tórt adamnyń ómiri qıylyp, 15-ke jýyǵy jaraqat aldy.
Sheteldik BAQ-tyń jazýynsha, bul aýdan «Hezbolla» qozǵalysynyń qadaǵalaýynda. Aldyn ala málimetter boıynsha jarylǵysh zat avtokólikte ornalastyrylǵan.
Zardap shekkender aýrýhanaǵa jetkizildi. Kýágerlerdiń sózine qaraǵanda, kólik úkimettik ǵımarattyń mańyndaǵy eki banktiń ortasynda jaryldy.
2013 jyldyń mamyrynda Hermel qalasyna Sırııadan kelgen sodyrlar oq jaýdyryp, birneshe beıbit turǵyn jaraqat alǵan bolatyn.
