Lıvandaǵy iri ormanda órt maýsymy bastaldy
BEIRÝT. QazAqparat – Lıvannyń qutqarý komandasy sársenbi kúni iri qaraǵaıly ormandaǵy órtti sóndirmekshi boldy, dep habarlaıdy QazAqparat France24-ke silteme jasap.
Seısenbi kúni keshke Mınıe-Danıeniń soltústik aımaǵynda órt shyqty. Lıvan Qarýly kúshteri men erikti órt sóndirýshiler Taıaý Shyǵystaǵy eń úlken qaraǵaı ormandarynyń birin sóndirýge tartyldy.
«Ókinishke qaraı, orman órti maýsymy Danıeniń Batramaz ormanynda bastaldy», - dedi qorshaǵan orta mınıstri Naser ıAsın.
Sondaı-aq ol órtti bireýdiń ádeıi uıymdastyrýy múmkin ekenin habarlap, bılikti tergeý júrgizýge shaqyrdy.
Lıvan kúrdeli qarjy daǵdarysymen kúresip jatyr. Elde sońǵy kezde jıilep ketken orman órtimen kúresý úshin qural-jabdyqtar men múmkindik joq.
