Lıvandaǵy qaqtyǵystardan qaza tapqandar sany 2 759 adamǵa jetti
ASTANA. KAZINFORM — Lıvan Densaýlyq saqtaý mınıstrliginiń jańartylǵan málimetine sáıkes, Izraıl armııasynyń 2 naýryzdan beri júrgizip jatqan shabýyldary saldarynan qaza tapqandar sany 2 759 adamǵa jýyqtady, dep habarlaıdy Anadoly.
Bul kórsetkish aldyńǵy derekpen salystyrǵanda 32 adamǵa artqan.
Vedomstvonyń habarlaýynsha, osy kezeńde jaralanǵandar sany 8 512 adamdy quraǵan. Buǵan deıin mınıstrlik 2 727 adamnyń qaza tapqanyn habarlaǵan bolatyn.
2 naýryzdan keıin Izraıl armııasy Lıvan aýmaǵyna áýe soqqylaryn kúsheıtip, ońtústiktegi birqatar eldi mekenderdi baqylaýǵa alǵan.
Lıvan úkimeti bul kezeńde el ishinde qonys aýdarýǵa májbúr bolǵan adamdar sany 1 mıllıonnan asqanyn málimdegen.
Al Donald Tramp buǵan deıin Lıvan men Izraıl arasyndaǵy ýaqytsha atysty toqtatý rejımi uzartylǵanyn habarlaǵan.
Osydan buryn Túrkııa Lıvandaǵy azamattarǵa 360 tonna gýmanıtarlyq kómek jetkizgeni belgili boldy.
