Lıvandaǵy atys toqtatyldy: turǵyndar eldiń ońtústigine oralyp jatyr

ASTANA. KAZINFORM — Izraıl men «Hezbolla» arasyndaǵy atysty toqtatý kelisimi sársenbi kúni jergilikti ýaqyt boıynsha 4:00-de AQSh pen Frantsııanyń deldaldyǵymen jasalǵan kelisim qabyldaǵannan keıin kúshine endi. Sársenbi kúni tańerteń áskerıler lıvandyqtarǵa aýyldaryna oralmaýyn eskertýine qaramastan, kólikter legi Lıvannyń ońtústigine qaraı aǵyldy. 

Bul kelisim 2023 jyldyń 7 qazanynda Izraıl ońtústigindegi HAMAS shabýylynan keıin Hezbolla bastaǵan 14 aılyq shaıqasqa núkte qoıdy. 

Seısenbi kúni keshke Izraıldiń áskerı-saıası kabıneti kelisimdi qoldap, daýys berdi. Ol 60 kúndik ótpeli kezeńdi qamtıdy. Sol aralyqta Izraıl qorǵanys kúshteri Lıvannyń ońtústiginen óz áskerlerin shyǵarady jáne Lıvan armııasy Lıtanı ózeniniń ońtústiginde 5 000-ǵa jýyq áskerdi, sonyń ishinde Izraılmen shekaradaǵy 33 bekette ornalastyrady. 

Izraıl-Lıvan shekarasyndaǵy qaqtyǵysty toqtatýǵa ýáde bergen kelisim Djo Baıden ákimshiliginiń keıingi kezdegi basty jetistigi sanalyp otyr. 

— Kúsh dıalog pen kelissózderge jol berýi kerek. Lıvanda buǵan qol jetkizildi, endi Gaza sektorynda múmkindiginshe tezirek bolýy kerek, - dedi Frantsııa syrtqy ister mınıstri Jan-Noel Barro Franceinfo radıosyna bergen suhbatynda. 

Eske sala keteıik, buǵan deıin Lıvan men Izraıl arasyndaǵy atysty toqtatý kelisimi kúshine engenin habarlaǵan edik. 

من #الغازية، أهالي #جنوب_لبنان في طريقهم إلى قراهم وبلداتهم.@AlMayadeenNews #الميادين_لبنان #لبنان pic.twitter.com/Z8wVXAXcwR

— الميادين لبنان (@mayadeenlebanon) November 27, 2024