Lıvanda jaraqat alǵandar sany 2500 adamnan asty
BEIRÝT. QazAqparat – Lıvan astanasy Beırýt qalasynda bolǵan joıqyn jarylys saldarynan keminde 27 adam kóz jumyp, jaraqat alǵandar sany 2500-den asty, dep habarlaıdy VVS.
Agenttiktiń Lıvan densaýlyq saqtaý mınıstri sózine silteme jasaı otyryp habarlaýyna qaraǵanda, Beırýt qalasyndaǵy jarylystan keminde 27 adam kóz jumyp, jaraqat alǵandar sany 2500-den asqan.
Qazirgi kezde aýrýhanalar jaralylarǵa tolyp, kóptegen ǵımarat buzylǵan.
Eske salsaq, Lıvandaǵy qazaqstandyq dıplomattardyń aqparaty boıynsha, aǵymdaǵy jylǵy 4 tamyzda jergilikti ýaqyt boıynsha saǵat 18:00 shamasynda Beırýttaǵy teńiz portynyń bazasynda birneshe qatty jarylys boldy. Jaqyn mańda ornalasqan úılerde, sondaı-aq jarylys epıtsentrinen birneshe shaqyrym jerde ornalasqan ǵımarattarda terezeleri shaǵyldy.
Jergilikti bıliktiń aldyn-ala aqparaty boıynsha, teńiz portynda pırotehnıkasy bar keme jarylǵan. Jarylys saldarynan Lıvandaǵy QR dıplomatııalyq mıssııasynyń ǵımaratyna zııan keldi. Beırýttaǵy jarylystan Qazaqstan konsýly jaraqat aldy.
