Lıvanda turǵyn úı qulap, 5 adam mert boldy

ASTANA. KAZINFORM — Lıvannyń soltústigindegi Trıpolı qalasynda kópqabatty turǵyn úı qulap, 5 adam qaza tapty, dep habarlaıdy Sınhýa. 

Tabbane aýdanyndaǵy oqıǵa ornyn shań basyp, bul jergilikti turǵyndardyń úreıin údetti. Tótenshe jaǵdaılar qyzmeti tórt adamdy úıindi astynan alyp shyǵyp, izdeý jumystaryn jalǵastyryp jatyr.

Lıvan prezıdenti Djozef Aýn qutqarý jumystaryn júrgizý jáne qıraǵan ǵımarat pen onyń mańyndaǵy turǵyndardy ýaqytsha baspanamen qamtamasyz etý úshin barlyq tótenshe jaǵdaılar qyzmetterin tolyq jumyldyrýdy talap etti.

Aıta keteıik, Taılandtyń soltústik-shyǵysynda qurylys krany qulap, jolaýshylar poıyzy relsten shyǵyp ketti. Oqıǵa ornynda 22 adam qaza taýyp, shamamen 80 adam jaraqat aldy.