Lıvanda «shpıon» qusty qolǵa túsirdi
ASTANA. QazAqparat - Qoryqtan qashyp ketken ızraıldik quzǵyndy Lıvanda shpıondyqqa qatysy bar dep ustaǵan bolatyn. Qus bostandyqqa jiberildi.
Izraıl tabıǵatty qorǵaý agenttiginiń habarlaýynsha, quzǵyn osydan úsh kún buryn qoryqtan qashyp ketip, ızraıl-lıvan shekarasynan ushyp ótken. Ony shekaradaǵy lıvandyq Bınt-Djýbaıl qalasynyń turǵyndary ustap alǵan.
Qustyń aıaǵyndaǵy Telı-Avıv ýnıversıtetiniń tańbasy bar GPS-trekerdi kórgen jergilikti turǵyndar qus tyńshylyq maqsatpen jiberilgen dep eseptegen. Olar quzǵyndy baǵanaǵa baılap qoıǵan.
Lıvan BAQ-tarynyń habarlaýynsha, onyń tyńshylyqqa qatysy joqtyǵyn bilgennen keıin bosatyp jibergen.
