Lıvanda shııtter men súnnıtterdiń arasynda qaqtyǵys boldy
ASTANA. Tamyzdyń 25-i. QazAqparat - Lıvannyń elordasy - Beırýtte «Hezbollah» radıkaldy shııtter tobynyń jaqtaýshylary men «Ál-Ahbash» sektasynyń súnnıttik fýndamentalısteriniń arasynda qaqtyǵys oryn aldy, dep habarlaıdy «Azattyq» radıosy.
Lıvan ókimetiniń habarlaýynsha, basynda kishigirim kıkiljińnen bastalǵan qaqtyǵystyń sońy qarý qoldanylǵan urysqa aınalǵan. Oqıǵa saldarynan úsh adam qaza boldy, taǵy birneshe adam jaraqat aldy. Atys-shabys kezinde granataatqysh ta qoldanylǵan. 4 saǵatqa sozylǵan atystyń barysynda, tek qudaı saqtap qana, kóp kisi qurbandyǵy bolmaǵan.
Bul - súnnıtter men «Hezbollah» jaqtaýshylary biri-birine oq ashqan 2008 jyldyń kóktemindegi oqıǵadan bergi eń qandy qaqtyǵys.
