Lıvanda parlamenttik saılaý ótýde

BEIRÝT. QazAqparat –Lıvan Respýblıkasynda parlamenttik saılaý bastaldy, dep habarlaıdy QazAqparat.

El boıynsha saılaý ýchaskeleri tańǵy saǵat 7-den bastap jumys istep tur. Daýys berý quqyǵy bar 3,6 mıllıonǵa jýyq lıvandyq azamat parlamenttiń 128 múshesin saılaıdy. 103 saılaý tiziminde usynylǵan 718 kandıdat Lıvan zań shyǵarýshy organdaǵy oryndar úshin talasady.

Saılaýdy EO, Arab memleketteri lıgasy jáne Halyqaralyq frantsýztildi uıymynan 300-ge jýyq baqylaýshy baqylap otyr.
Vılson ortalyǵynyń málimetinshe, bul joly saıası qyzmetke túsýge úmitker áıelderdiń rekordtyq sany (118 adam) tirkelgen. Bul aldyńǵy saılaýlarmen salystyrǵanda 37% artyq.
Saılaý okrýgteri eldiń bes aımaǵynda ornalasqan. Daýys berý jergilikti ýaqyt boıynsha saǵat 19:00-de aıaqtalady.